14 қазан күні 5 «Ғ» сыныбында қазақ тілі мен әдебиеті пәнінің мұғалімі Муханбетқали Салтанат Темірханқызының «Асанқайғының жерге айтқан сыны» тақырыбында ашық сабағы өтті.
Сабақтың мақсаты – оқушыларды халық даналығы мен Асанқайғының көреген ойларымен таныстыру, туған жерге сүйіспеншілік сезімін арттыру және сыни тұрғыдан ойлау қабілеттерін дамыту болды.
Оқушылар сабақ барысында өте белсенді қатысып, аңыз мазмұнын талдап, өз ойларын еркін жеткізді.
Топтық жұмыс, сұрақ-жауап және пікірталас арқылы білімдерін бекітті.
Сабақ мазмұнды, тәрбиелік мәні жоғары, әсерлі өтті.
